Qadını vurub qaçan sürücüyə hökm oxundu

Bakı Ağır Cinayətlər Məhkəməsində ölümlə nəticələnən yol qəzası törətməkdə təqsirləndirilən Vüqar Qasımovun cinayət işi üzrə məhkəmə prosesi başa çatıb.

APA-nın məlumatına görə, hakim Telman Hüseynov sədrliyi ilə keçirilən prosesdə hökm oxunub.

Hökmə əsasən, V.Qasımov 6 il 6 ay müddətinə azadlıqdan məhrum edilib.

Qeyd edək ki, hadisə bu il fevralın 17-də saat 23:radələrində Qaradağ rayonunun Qızıldaş qəsəbəsi ərazisində baş verib.

Yolu keçmək istəyən 48 yaşlı Şahverdiyeva Nəzakət Qüdrət qızını maşın vurub. Hadisə yerindən qaçan qəsəbə sakini, 41 yaşlı Qasımov İlqar Səfərqulu oğlu tutulub. Onun hadisəni 99-FZ-087 dövlət nömrə nişanlı "VAZ 21214 Niva" markalı avtomobillə törətdiyi məlum olub.

Ona Cinayət Məcəlləsinin 263-1-ci (yol hərəkəti qaydalarını pozma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə ittiham verilib.