Piyada yol qəzasında öldü

Göygöl rayonunda yol-nəqliyyat hadisəsi baş verib.

Daxili İşlər Nazirliyinin mətbuat xidmətindən Lent.az-a verilən məlumata görə, hadisə avqustun 27-də saat 21 radələrində baş verib. Rayonunun Yeni Qızılca kəndi ərazisində Daşkəsən rayon sakini Ş.İbrahimov idarə etdiyi “VAZ-21012” markalı avtomobillə yolu keçən Gəncə şəhər sakini Yetirən Həsənovu vurub.

Piyada xəstəxanaya aparılarkən yolda ölüb.

Göygöl rayon Polis Şöbəsində araşdırma aparılır.