Paytaxtda “Lada” ilə “VAZ” toqquşdu: yaralanan var

Bakıda ötən gün axşam saatlarında bir nəfərin xəsarət alması ilə nəticələnən yol qəzası baş verib. Lent.az-ın Fövqəladə Hallar Nazirliyinin (FHN) saytına istinadən verdiyi xəbərə görə, paytaxtın Qaradağ rayonunda “Lada” ilə “VAZ” markalı 2 minik avtomobili toqquşub. Dərhal hadisə yerinə Fövqəladə Hallar Nazirliyinin müvafiq xilasetmə qüvvələri cəlb olunublar.

Əməliyyat şəraiti qiymətləndirilərkən məlum olub ki, qəza nəticəsində "VAZ" markalı avtomobilin sərnişini xəsarət alıb və nəqliyyat vasitəsində sıxılmış vəziyyətdə qalıb.

Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə sərnişini avtomobildən çıxararaq aidiyyəti üzrə təhvil veribvə ərazidə müvafiq təhlükəsizlik tədbirləri görüblər.