Maşın vuran qadın öldü

Sabunçuda ölümlə nəticələnən qəza baş verib.

Daxili İşlər Nazirliyinin mətbuat xidmətindən Lent.az-a verilən məlumata görə, hadisə iyunun 19-da saat 22 radələrində baş verib..

Məlumata görə, rayonunun Bilgəh qəsəbəsi ərazisində Rusiya vətəndaşı A.Spiridonov idarə etdiyi “Audi” markalı avtomobillə yolu keçən Bakı şəhər sakini Radiya Əhmədovanı vurub, nəticədə xəstəxanaya yerləşdirilən qadın orada ölüb.

Hadisə ilə bağlı Sabunçu rayon Polis İdarəsində araşdırma aparılır.