İcra hakimiyyətinin balansındakı uşaq bağçası yandı

Bu gün Sumqayıt şəhərində yanğın hadisəsi olub. Lent.az-ın Fövqəladə Hallar Nazirliyinin saytına istinadən məlumatına görə, Sumqayıt şəhər İcra Hakimiyyətinin balansında olan ümumi sahəsi 420 kv.m, iki mərtəbəli uşaq bağçasında məcburi köçkünün məskunlaşdığı ümumi sahəsi 24 kv.m olan otağın divarının taxta üzlüyü 1 kv.m sahədə yanıb. Yanğın saat 14:25-də yanğınsöndürənlər tərəfindən söndürülüb.