Gömrük xidməti Maltada "Narkotikə yox!" adlı sərgi keçirib

Gömrük xidməti və Gömrük Tarixi Muzeyi nümayəndələri Maltanın Paytaxtı Vallettada “Narkotiklərə yox!” adlı sərgi keçirib. Komitədən Lent.az-a verilən məlumata görə. “Azərterminalkompleks” Birliyinin direktoru, gömrük xidməti general-mayoru Qambay Əliyevin rəhbərlik etdiyi nümayəndə heyəti Valletta şəhərində səfərdə olub.
Maltada ilk dəfə keçirilən bu sərgi Malta paytaxtının tarixi mərkəzində, 1719-cu ildə cəngavərlər tərəfindən inşa olunan gömrük binasında təşkil edilib.

Sərgiyə azərbaycanlı rəssam və heykəltəraşlar - Nadejda İbrahimova, Mahmud Rüstəmov, Nazim Rəhmanov, Oqtay Murtuzayev və Teymur Rüstəmovun incəsənət əsərləri çıxarılıb. Hər bir eksponat narkotiklərdən istifadənin dəhşətli fəsadları barədə bəşəriyyətə mesaj verir. Gömrük Xidməti tərəfindən burada Avstriya, Portuqaliya və Makedoniyada keçirilən sərgilərdə nümayiş etdirilib.

Qeyd edək ki, Valletta şəhərində keçirilən sərginin açılış mərasimində Malta Prezidenti xanım Mari-Luiz Koleyro Preka başda olmaqla, dövlət və hökumət, eləcə də yerli orqanların yüksək vəzifəli nümayəndələri iştirak edib.