Gəncənin hüquq mühafizə orqanları əməkdaşları “Xaş-xaş 2013” tədbirlər planı çərçivəsində xeyli miqdarda çətənə kolu aşkarlayaraq məhv ediblər. APA-nın Qərb bürosunun məlumatına görə, şəhərin Yeni Gəncə qəsəbəsində yerləşən, Olimpiya İdman Kompleksinin arxasına olan 1,4 hektar boş sahədə yabanı halda bitən, ümumi çəkisi 250 kiloqram olan 350 ədəd çətənə kolu aşkarlanaraq yandırma yolu ilə məhv edilib. Başqa bir əməliyyatı isə Kəpəz rayon Polis İdarəsinin əməkdaşları keçirib. Onlar Gəncə sayının sağ sahilində, “Comərdi Qəssab” türbəsinin yaxınlığında təxminən 2 hektar ərazidə ümumi çəkisi 1186 kiloqram olan 1763 ədəd çətənə kolu müəyyənləşdirərək məhv ediblər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
