Gəncədə məhəlləyə yad göyərçinin gəldiyini görən quşbaz onu tutaraq öz quşlarının arasına qatmaq istəyib. Lakin nə qədər çalışsa da, göyərçin qonduğu 35 kilovoltluq yüksək gərginlikli elektrik xəttinin üstündən uçmayıb.
Quşbaz Elnur Məmmədov dəmir üçkünclərdən düzəlmiş dirəyə çıxmaq qərarına gəlib.
O, hətta evdən əlinə kəpənəktutan tor da götürüb. Xəttə çatmağa az qalmış Elnur kəpənəktutanı xəttin üstündəki göyərçinə tərəf uzadarkən metal saplı tor göyərçinə deyil, elektrik xəttinə toxunub. Yaranan güclü alov Elnurun sifətini bürüyüb. Gərginlik üzü, əlləri, qolları, gözünün ətrafı, eləcə də aşağı ətraf nahiyələri yanan Elnuru dirəyin başından yerə çırpıb. Müxtəlif dərəcəli xəsarətlər alan Elnur təcili olaraq xəstəxanaya çatdırılıb.
Şəhər Təcili Tibbi Yardım Xəstəxanasının həkimi Rafael Əsədovun sözlərinə görə, xəsarət alan E.Məmmədovun vəziyyəti orta-ağır olaraq qiymətləndirilir.
salamnews.org
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
