Gecəyarısı evə basqın edən şəxs qızla qarşılaşdı

Mingəçevirdə quldurluq hadisəsi baş verib. Lent.az Daxili İşlər Nazirliyinin mətbuat xidmətinə istinadən xəbər verir ki, avqustun 2-də saat 3.00 radələrində Mingəçevir şəhərində yaşayan Etibar Mehdiyevin evinə qarət məqsədilə pəncərədən girən naməlum şəxs axtarış apararkən səs-küyə oyanan onun qızı Sənəmi bıçaqla hədələyib və oradan mobil telefon aparıb.

Mingəçevir ŞPŞ əməkdaşlarının keçirdikləri əməliyyat-axtarış tədbirləri nəticəsində quldurluğu törətməkdə şübhəli bilinən şəhər sakini Elman Qurbanov tutulub.