Fövqəladə Hallar Nazirliyi Şəmkir rayonu ərazisində bu gün baş verən avtobus qəzası ilə bağlı məlumat yayıb.
Lent.az-ın FHN-inin saytına istinadən verdiyi xəbərə görə, rayon ərazisində, Şəmkir-Gədəbəy yolunun 4-cü kilometrliyində, “Toyota” markalı minik avtomobili və “PAZ” markalı avtobus toqquşub. Nəticədə, avtobus dərəyə yuvarlanıb. FHN-in müvafiq xilasetmə qüvvələri dərhal hadisə yerinə cəlb olunub. Müəyyən olunub ki, 1978-ci il təvəllüdlü Əbülfəz Elxan oğlu Əliyev hadisə yerində ölüb, 7 nəfər xəsarət alıb.
Nazirliyin Dövlət Yanğından Mühafizə Xidmətinin yanğınsöndürən-xilasediciləri ərazidə müvafiq xilasetmə və təhlükəsizlik tədbirləri həyata keçiriblər.
Hadisə ilə əlaqədar müvafiq qurumlar tərəfindən təhqiqat aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
