Bakıda zəhərlənən qadınlardan biri öldü

Cari il fevral ayının 16-da Bakı şəhər sakini Mahirə Salahova evində sirkə turşusundan zəhərlənib. Daxili İşlər Nazirliyinin mətbuat xidmətindən Lent.az-a verilən məlumata görə, xəstəxanaya yerləşdirilmiş M.Salahova martın 9-da xəstəxanada dünyasını dəyişib.

Bundan əlavə, ötən gün Xəzər rayonunun Türkan qəsəbəsində yaşayan Xəyalə Vəliyeva dərmandan zəhərlənib. X.Vəliyeva xəstəxanaya yerləşdirilib.

Hər iki faktla bağlı araşdırma aparılır.