Gəncə-Daşkəsən yolunda iki nəfərin xəsarət alması ilə nəticələnən yol nəqliyyat qəzası baş verib.
APA-nın qərb bürosunun verdiyi məlumata görə, hadisə rayonun Zağalı kəndi ərazisində qeydə alınıb.
Sumqayıt şəhər sakini, 1965-ci il təvəllüdlü Fatma Salman qızı Tağıyeva Daşkəsən rayonuna gedərkən idarə etdiyi “Hyundai” markalı avtomobilini aşırıb. Qəza zamanı sürücü və onun oğlunun nişanlısı, 1990-cı il təvəllüdlü Səidə Cəbrayıl qızı Seyidova müxtəlif bədən xəsarətləri alaraq Gəncə şəhər Təcili Tibbi Yardım xəstəxanasına yerləşdirilib. Həkimlər onların vəziyyətlərinin orta ağır olduğunu bildirirlər.
Məlumata görə F.Tağıyeva və gələcək gəlini Daşkəsəndə hərbi xidmətdə olan oğlunun yanına gedirmiş. Faktla bağlı Daşkəsən rayon Polis Şöbəsində araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
