Damdan yıxıldı, ağır xəsarət aldı

Kürdəmir sakini yıxılaraq ağır xəsarət alıb. APA-nın yerli bürosunun xəbərinə görə, hadisə rayonun Söyüdlər kəndində baş verib. Kənd sakini, 1972-ci il təvəllüdlü Əbil Zakir oğlu Cəfərov evini damını təmir edərkən ehtiyatsızlıq nəticəsində yıxılıb. Yaralı təcili olaraq Kürdəmir Mərkəzi Rayon Xəstəxanasına çatdırılıb.

Ə. Cəfərovun vəziyyəti ağır olduğundan ilkin tibbi yardım göstərildikdən sonra müalicəsini davam etdirmək məqsədi ilə paytaxta göndərilib.