Polisin törətdiyi qətlin dəhşətli təfərrüatları: arvadının telefonundakı şəkilləri....
30 iyul 2018 14:05 (UTC +04:00)

Polisin törətdiyi qətlin dəhşətli təfərrüatları: arvadının telefonundakı şəkilləri....

Beyləqanda baş vermiş qətl hadisəsinin bəzi təfərrüatları məlum olub.

 

Lent.az-ın əldə etdiyi məlumata görə, rayonun Sarısu kənd sakini Mübariz Ağayev Mühafizə Polisinin əməkdaşı olub.

 

Məlumata görə, M. Ağayev arvadı Səidə Ağayevanın ona xəyanət etdiyini öyrənib. O, qaynını evə dəvət edərək, bu barədə ona məlumat verib və sübut kimi arvadının telefonunda olan fotoşəkilləri ona göstərib.

 

Daha sonra evdən çıxan Mübariz Ağayev niyyətini həyata keçirmək üçün müvafiq vaxt gözləyib. O, gecə saatlarında uşaqların yatmasını gözləyib. Bundan sonra arvadı Səidə Ağayeva ilə təklikdə xeyli söhbət edib. Söhbətin gedişində əsəblərini cilovlaya bilməyən M. Ağayev arvadının boğazına kəndir dolayaraq, onu boğub öldürüb.

 

Hadisədən sonra Mübariz Ağayev könüllü şəkildə polisə təslim olub.

 

Ailənin birgə nikahdan iki övladı var. 

 

 

 

 

***

 

12:59

 

Beyləqan sakini arvadını öldürüb.

 

Lent.az-ın Daxili İşlər Nazirliyinin saytına istinadən verdiyi məlumata görə, iyulun 29-da Beyləqan rayonunun Sarısu kəndində yaşayan Mübariz Ağayev evində münaqişə zəminində arvadı Səidə Ağayevanı kəndirlə boğaraq öldürüb.

Polis və prokurorluq orqanları əməkdaşlarının keçirdikləri istintaq və əməliyyat-axtarış tədbirləri nəticəsində M.Ağayev saxlanılıb.

 

1 2 3 4 5 İDMAN XƏBƏRLƏRİ
# 302
avatar

Səlcuq Elçin

Oxşar yazılar