Bakıda sərxoş halda sükan arxasına keçən xanım sürücü yol qəzası törədib. Paytaxtın Səbail rayonu ərazisində qeydə alınan hadisə zamanı Talışinskaya Lalə Ramiz qızının idarə etdiyi "Hyundai" markalı minik maşın Məmmədov Kamran Vaqif oğluna məxsus "Toyota" markalı avtomobillə toqquşub. Yol patrul xidməti əməkdaşlarının verdiyi məlumata görə, xanım sürücünün sərxoş vəziyyətdə idarə etdiyi avtomobil Zərifə Əliyev küçəsi ilə hərəkətdə olub. Lalə Talışinskaya yolun Rəşid Behbudov küçəsi ilə kəsişməsindəki işiqforun qadağanedici işığının tələbinə məhəl qoymayıb. Nəticədə toqquşma baş verib.
Qadın sürücü işıqfora qədər olan məsafədə maşını bir neçə dəfə bardürlərə çırpıb.
Qəza nəticəsində Lalə Talışinskaya və həmin avtomobildə olan qadın sərnişin yüngül bədən xəsarətləri alıblar. Hər iki yaralıya hadisə yerində ilkin tibbi yardım göstərilib.
Səbail rayon Polis İdarəsində faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
