Bakı şəhərinin Xətai rayonu ərazisində polis əməkdaşları ağır yol qəzasına düşüb. Rayon Polis İdarəsindən Lent.az-a verilən məlumata görə, Nobel prospektində Çevik Polis Alayının əməkdaşı 1986-cı il təvəllüdlü Qasımov Tofiq Rəsulxan oğlu idarə etdiyi “Opel” markalı avtomobili metal maneəyə çırpıb. Nəticədə sürücü, eləcə də maşında olan digər polis əməkdaşları 1990-cı il təvəllüdlü Səfərov Qabil Rabil oğlu, 1990-cı il təvəllüdlü Rzayev Vüqar Camal oğlu 1992-ci il təvəllüdlü Nəcəfov Babək Tahir oğlu və 1991-ci il təvəllüdlü Məmmədov Fərhad Cəlal oğlu ağır xəsarət alıblar.
Yaralılar Daxili İşlər Nazirliyinin A.Heydərov adına hospitalına yerləşdiriliblər. Qəzanın səbəbləri araşdırılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
