Bakının Sabunçu rayonunda gənc qız naməlum şəxslər tərəfindən vəhşicəsinə döyülüb. Lent.az-ın anspress-ə istinadən verdiyi məlumata görə, Pirşağı qəsəbəsində qeydə alınan hadisə zamanı 23 yaşlı İsmayılova Sevda Səfəralı qızına xəsarətlər yetirilib. Yaralı hadisədən sonra təcili olaraq 1 saylı şəhər klinik xəstəxanasına çatdırılıb. Müayinə zamanı sərxoş vəziyyətdə olan Sevda İsmayılovaya alt çənə sümüyünün sınığı və qapalı kəllə-beyin travması diaqnozu qoyulub.
Hadisə ilə bağlı artıq Sabunçu Rayon Polis İdarəsi və 15-ci polis bölməsinə məlumat verilib. Araşdırma zamanı məlum olub ki, zərərçəkən Sevda İsmayılova Sabunçu rayonu Zabrat qəsəbəsində yerləşən kafelərin birində ofisiant işləyir. Hadisə günü isə o, əvvəldən tanıdığı 4 nəfər kişi ilə birgə işdən sonra naməlum istiqamətə gedib. Yolda aralarında düşən mübahisə zamanı həmin şəxslər Sevdanı döyüblər.
Hazırda polislər zərərçəkmişi döyən 4 nəfər kişinin axtarışlarını davam etdirirlər. Zərərçəkən şəxsin istintaqa verəcəyi ifadədən və cinayəti törədən şəxslərin tutulmasından sonra hadisənin dəqiq baş vermə səbəblərinə aydınlıq gətiriləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
