Ağır qəza törədən qadın yaxalandı

Yol-nəqliyyat hadisəsi törətmiş Bakı şəhər sakini Aynur Abdullayeva tutulub. Daxili İşlər nazirliyinin mətbuat xidmətindən Lent.az-a verilən məlumata görə, Baş Dövlət Yol Polisi İdarəsi əməkdaşlarının həyata keçirdikləri əməliyyat-axtarış tədbirləri nəticəsində martın 5-də Abşeron rayonu ərazisində Maqsud Şəbiyevin ölümü, Nəsimi Əlövsətlinin isə xəsarət alması ilə nəticələnən yol-nəqliyyat hadisəsini törətmiş “QAZ-2752-104” markalı avtomobilin sürücüsü - Bakı şəhər sakini Aynur Abdullayeva saxlanılıb. Faktla bağlı araşdırmalar aparılır.