Bakıda brend mağazalardan biri yandı - YENİLƏNİB

Fövqəladə Hallar Nazirliyi Bakıda yerləşən “Dolce&Gabanna” mağazasında baş vermiş yanğınla əlaqədar rəsmi məlumat yayıb.

FHN-dən Lent.az-a verilən məlumata görə, bu gün Səbail rayonunda ümumi sahəsi 150 m2 olan mağazanın geyinib soyunma otağının taxtadan ibarət arakəsmə divarı və asma tavanı 30 m2 sahədə yanıb. Mağazanın qalan hissəsi yanğından mühafizə olunub. Yanğın saat 14:33-də yanğınsöndürənlər tərəfindən söndürülüb.

***
13:46

Bakıda mağazalardan birində yanğın baş verib.

Lent.az-ın məlumatına görə, Kukla Teatrı ilə üzbəüz yerləşən brend mağazalardan birində yanğın qeydə alınıb.

Yanğınla bağlı Fövqəladə Hallar Nazirliyinin Dövlət Yanğından Mühafizə Xidmətinə məlumat daxil olub. Hadisə yerinə FHN-nin Səbail rayonu üzrə canlı qüvvə və texnikası cəlb olunub. Yanğın söndürülüb.

İlkin məlumata görə, yanğına səbəb qısa qapanma olub.

Qeyd edək ki, yanğınla bağlı ilkin məlumatı a24.az saytı verib.