Bakı şəhərinin Suraxanı rayonunda ölümlə nəticələnən yol-nəqliyyat hadisəsi baş verib. Rayon Polis İdarəsindən Lent.az-a verilən məlumata görə, Qum adası qəsəbəsində 1991-ci il təvəllüdlü Xanlar Feyzullayev idarə etdiyi “Ford Tranzit” markalı sərnişin avtobusu ilə piyada, 1953-cü il təvəllüdlü Dilarə Məmmədovanı vurub. 61 yaşlı qadın xəstəxanaya aparılarkən yolda keçinib.
Faktla bağlı cinayət işi açılıb, araşdırmalar aparılır.