İmişli rayonunda Saatlı şəhər bələdiyyəsinin əməkdaşı tutulub. Daxili İşlər Nazirliyindən Lent.az-a bildirilib ki, Saatlı rayon sakini, 1959-cu il təvəllüdlü Nəsirov Nəsir Heydər oğlu özünü Heydər Nəsirov kimi təqdim edib və İmişli rayonunun Qızılkənd kənd sakini Salahov Rasim Tapdıq oğlundan onu rüsvay edəcəyi ilə bağlı hədə-qorxu gələrək, 400 manatını alıb. İmişli Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törədən Saatlı şəhər bələdiyyəsində vergi agenti işləyən Nəsir Nəsirov tutulub.
Qeyd edək ki, onun şantaj etdiyi R.Salahov həkimdir.
Faktla əlaqədar Cinayət Məcəlləsinin 182.1-ci maddəsi ilə iş başlanılıb, araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
