Azərbaycanda bu gün

9 yanvar

1918. Qafqaz cəbhəsindən geri qayıdan rus qoşunu ilə Zaqafqaziya hərbi hissələri arasında Dəllər stansiyası ətrafında baş verən döyüş başa çatıb

1919. İstanbul. ADR-in xarici işlər naziri Əlimərdan bəy Topçubaşovla görüş zamanı İranın xarici işlər naziri (müşaverel məmalik) Əliqulu xan “Azərbaycanın problemlərindən çıxış yolu” kimi İranla birləşməyi məsləhət görüb

1922. Azərbaycan Mərkəzi İcraiyyə Komitəsinin (MİK) 2-ci sessiyasında Zaqafqaziya Federasiyasının vahid sovet respublikaları ittifaqına daxil olması bəyənilib

1949. Aktyor İlham Namiq Kamal anadan olub

1960. Sovet İttifaqının texniki dəstəyi ilə Misirdə Asuan bəndinin tikintisinə başlanılıb. Azərbaycanın keçmiş prezidenti Əbülfəz Elçibəy burada tərcüməçi kimi çalışıb

1995. Azərbaycan Respublikası Malta və Qayana ilə diplomatik əlaqələr qurub

2001. Rusiya prezidenti Vladimir Putin Azərbaycana rəsmi səfərə gəlib. Səfər çərçivəsində Bakı bəyannaməsi imzalanıb

2009. Nardaranda nümayişlər zamanı kənd ağsaqqallarından biri deputat Sabir Rüstəmxanlını ölümlə təhdid edib

2012. Avropa İnsan Hüquqları Məhkəməsinin Böyük Palatasın “Çıraqov və başqaları Ermənistana qarşı” iddiasını icraata götürüb.