Azərbaycan hərbçiləri beynəlxalq kursda iştirak edəcək

Azərbaycan Silahlı Qüvvələrinin nümayəndələri beynəlxalq tədbirlərdə iştirak edəcək. Müdafiə Nazirliyinin mətbuat xidmətindən Lent.az-a verilən xəbərə görə, mayın 10-dan 16-dək Qazaxıstanın Almatı şəhərində “Gizir və çavuşların birgə təlimləri” mövzusunda təlimi, mayın 12-dən 13-dək Belçikanın paytaxtı Brüsseldə “Tərəfdaşlar arasında informasiyanın canlı idarə edilməsi sistemi” (e-PRIME) üzrə kursu, Azərbaycan-Türkiyə ikitərəfli əməkdaşlıq planına əsasən mayın 12-dən 16-dək İstanbulda 17-ci beynəlxalq dənizçilik yarışları, Azərbaycan-Rumıniya ikitərəfli əməkdaşlıq planına əsasən mayın 12-dən iyulun 4-dək paytaxt Buxarestdə Orta səviyyəli ingilis dili kursu və mayın 12-dən 30-dək Predeal şəhərində Dağa dırmanma təlimatçıları kursu keçiriləcək.

Tədbirlərdə Silahlı Qüvvələrimizin nümayəndələri də iştirak edəcək.