Ağstafada məktəbdə YANĞIN

Ağstafada məktəb binasında yanğın baş verib. Lent.az-ın Fövqəladə Hallar Nazirliyinin mətbuat xidmətinə istinadən məlumatına görə, Yenigün kəndində Təhsil Nazirliyinin balansında olan və hal-hazırda fəaliyyət göstərməyən ümumi sahəsi 500 kv.m olan birmərtəbəli məktəb binasının zirzəmisində istifadəyə yararsız inventarlar 40 kv.m sahədə yanıb. Məktəb binasınin qalan hissəsi yanğından mühafizə olunub. Yanğın saat 13:15-də yanğınsöndürənlər tərəfindən söndürülüb.