Ağstafada iki yük maşını toqquşdu, sürücü ağır yaralandı

Bakı-Qazax avtomagistralının 464-cü kilometrliyində ağır yol nəqliyyat hadisəsi baş verib

Lent.az-ın APA-ya istinadən verdiyi xəbərə görə, hadisə ötən gün saat 15 radələrində Ağstafa rayonun Aşağı Göycəli kəndi ərazisində qeydə alınıb. İri yük avtomobillərinin toqquşması ilə nəticələn qəza nəticəsində sürücülərdən biri ağır yaralanıb. Qazax rayon Kosalar kənd sakini 43 yaşlı Binnət Əhmədov idarə etdiyi "Man" markalı avtomaşınla ötmə əməliyyatını düzgün həyata keçirmədiyindən qarşıdan gələn Türkiyə vətəndaşı Tuncay Ayazın idarə etdiyi "Tır" -la toqquşub.

Tırın sürücüsü öz yolu ilə Qazaxdan Baki istiqamətində getdiyini və qarşıdan gələn avtomaşının onun üzərinə dögrü gəldiyini deyir

Nəticədə "Man" markalı avtomobilin sürücüsü müxtəlif bədən xəsarətləri alaraq Ağstafa rayon Mərkəzi Xəstəxanasına çatdırılıb. Həkimlər xəstənin vəziyyətinin orta ağır kimi qiymətləndirirlər.

Faktla Bağlı BDYP-nın İstinaq və Təqdiqat şöbəsində araşdırma aparılır.