Azərbaycanda zəncirvarı qəza: 4 nəfər öldü - YENİLƏNİB 2

Ağcabədi rayonunda yol qəzasında ölənlərin və xəsarət alanların şəxsiyyəti məlum olub.

APA-nın Qarabağ bürosunun xəbərinə görə, “BMW”, “Mercedes” və “Daewoo” markalı minik avtomobillərinin toqquşması nəticəsində BMW-nin sürücüsü, 1982-ci il təvəllüdlü Bəbişov Elgün Fərhad oğlu, "Daewoo"nun sürücüsü Ağamalıyev Nəbi Məhəmməd oğlu, 1983-cü ildə anadan olmuş Alıyeva Naibə Əli qızı, 2007-ci il təvəllüdlü Alıyev Fəqan Kənan oğlu hadisə yerində dünyasını dəyişib.

Bundan başqa, 1979-cu il təvəllüdlü Alıyev Kənan Vaqif oğlu, 2005-ci il təvəllüdlü Alıyeva Fərqanə Kənan qızı, 2009-cu il təvəllüdlü Alıyeva Gülçin Kənan qızı, 1997-ci il təvəllüdlü Ağamalıyev Nurlan Nəbi oğlu, 1969-cu il təvəllüdlü Quliyeva Arifə Yunis qızı və İsrafilova Səbinə Əzim qızı müxtəlif bədən xəsarətləri ilə Ağcabədi və Bərdə rayon mərkəzi xəstəxanalarına çatdırılıblar.

*****

11:05

Ağcabədidə baş vermiş ağır qəzada həlak olanların sayı 4-ə çatıb. APA-nın Qarabağ bürosunun xəbərinə görə, hadisə rayonun Qaravəlli kəndində qeydə alınıb. BMW, “Mercedes” və “Daewoo” markalı minik avtomobillərinin toqquşması nəticəsində BMW-nin sürücüsü, 1982-ci il təvəllüdlü Bəbişov Elgün Fərhad oğlu hadisə yerində dünyasını dəyişib.

Şəxsiyyətləri məlum olmayan 3 nəfərin isə xəstəxanaya çatdırılarkən yolda və xəstəxanada öldüyü bildirilir. Dünyasını dəyişənlərdən birinin Sumqayıt, birinin Bərdə, ikisinin isə Ağcabədi rayon sakini olduğu açıqlanıb.

Xəstəxanaya aparılarkən ölənlərin şəxsiyəti müəyyənləşdirilir.

*****

10:44

Ağcabədidə zəncirvari qəza baş verib. Lent.az-ın Fövqəladə Hallar Nazirliyinin saytına istinadən məlumatına görə, Qaravəlli kəndində vətəndaşlara məxsus "BMW", "MERSEDEC" və "DAEWOO" markalı minik avtomobilləri toqquşub. FHN-nin müvafiq xilasetmə qüvvələri hadisə yerinə cəlb olunub. Hadisə yerində əməliyyat şəraiti qiymətləndirilərkən məlum olub ki, "BMW" markalı minik avtomobilinin sahibi 1982-ci il təvəllüdlü Elgün Bəbişov aldığı bədən xəsarətlərindən hadisə yerində vəfat edib. Xilasedicilər təhlükəsizlik qaydalarına riayət edərək, xüsusi alət və avadanlıqların köməyi ilə E.Bəşirovun cəsədini deformasiyaya uğramış avtomobildən çıxararaq aidiyyəti üzrə təhvil veriblər.

Faktla bağlı cinayət işi başlanıb.