Qubada üç yeniyetmə həbs edilib.
DİN-in Mətbuat Xidmətinin Quba rayonunda regional qrupundan Lent.az-a verilən məlumata görə, Quba Rayon Polis Şöbəsinin Qonaqkənd Polis Bölməsinin əməkdaşları tərəfindən keçirilən uğurlu əməliyyat-axtarış tədbirləri nəticəsində rayonun Xınalıq kəndi ərazisində yerləşən iki fərdi yaşayış evindən oğurluq edən üç yeniyetmə saxlanılıb.
Dindirilmə zamanı həmin yeniyetmələr törətdikləri oğurluq əməllərini etiraf ediblər. Araşdırmalarla məlum olub ki, onlar zərərçəkənlərin evdə olmadığı vaxtlarda qanunsuz olaraq evlərə girərək, ümumilikdə iki evdən 2 ədəd “Samsung” markalı mobil telefon, 2 ədəd qol saatı, 1 ədəd durbin, 1 ədəd “İj” markalı ov tüfəngi, 1 ədəd patrondaş və 12 ədəd patron, 1 ədəd süngü-bıçaq, həmçinin məişət avadanlıqları və geyim əşyaları oğurlayıblar.
Oğurlanmış əşyalar maddi sübut kimi polis əməkdaşları tərəfindən götürülüb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
