Tovuzda iki avtomobil toqquşub, 4 nəfər xəsarət alıb. APA-nın qərb bürosunun verdiyi məlumata görə, hadisə rayonun Aşağı Quşçu kəndi ərazisində qeydə alınıb. “VAZ 2106” və “Opel” markalı iki avtomobilin toqquşması nəticəsində “VAZ”-ın sürücüsü, Tovuz rayon Aşağı Quşçu kənd sakini, 1965-ci il təvəllüdlü Sarıyev Azər Mahmud oğlu, sərnişinlər 1965-ci il təvəllüdlü Sarıyeva Mahirə Cahangir qızı, 1970-ci il təvəllüdlü Sarıyeva Şəhla Dəmir qızı və Opel-in sürücüsü Gədəbəy rayon sakini 1956-cı il təvəllüdlü Abdullayev Vilayət Qəşəm oğlu müxtəlif bədən xəsarətləri alaraq Tovuz rayon Mərkəzi xəstəxanasına yerləşdiriliblər. Onlara tibbi yardım göstərilib. Vəziyyətlərinin normal olduğu bildirilir.
Faktla bağlı Tovuz Rayon Polis Şöbəsində araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
