Qohumunu bıçaqlamaqda təqsirləndirilən Əflatun Əliyevin cinayət işi üzrə məhkəmə prosesi başa çatıb.
Lent.az-ın məlumatına görə, Bakı Ağır Cinayətlər Məhkəməsində hakim Ramella Allahverdiyevanın sədrliyi ilə keçirilən prosesdə hökm oxunub.
Hakimlər kollegiyasının hökmünə əsasən, Ə.Əliyevə şərti cəza verilib.
Qeyd edək ki, hadisə ötən il Bakı şəhərində baş verib. Ə.Əliyev həm qohumu, həm də qonşusu olan Cavid Cavadovu bıçaqlayıb.
Ə.Əliyev ifadəsində deyib ki, C.Cavadov evlərinin qarşısında bir neçə şəxsə söyüş söyüb. O, bir neçə dəfə qohumuna irad bildirsə də, C.Cavadov onu eşitməyib. Daha sonra Ə.Əliyev C.Cavadovu bıçaqlayıb. Xəstəxanaya çatdırılan yaralının həyatını xilas etmək mümkün olub.
Ə.Əliyevin barəsində polisin nəzarətinə verilmə qərətimkan tədbiri seçilmişdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
