[b]Gəncədə oğul anasını vəhşicəsinə döydü[/b]

Gəncədə döyülmə faktı qeydə alınıb.

APA-nın qərb bürosunun verdiyi məlumata görə, hadisə şəhərin Şeyx Bahəddin küçəsində qeydə alınıb.

Həmin küçədə yaşayan 1949-cu il təvəllüdlü Lyudmila Səfərova oğlu tərəfindən vəhşicəsinə döyülüb. Qadın xəstəxanaya yerləşdirilib. Vəziyyəti ağır olduğu üçün reanimasiya şöbəsinə köçürülüb. Məlumata görə, qadının oğlu alkoqol düşkünüdür və o, spirtli içkini qəbul etdikdən sonra onun şüşə qabı ilə anasını döyüb.

Faktla bağlı hüquq mühafizə orqanları tərəfindən araşdırma aparılır.