<b>Ərini öldürən qadının istəyi reallaşmadı</b>
08 may 2019 10:58 (UTC +04:00)

Ərini öldürən qadının istəyi reallaşmadı

Ərini öldürməkdə təqsirləndirilən 1994-cü il təvəllüdlü Tünzalə Vəliyevanın barəsində olan hökmdən verilən apelyasiya şikayəti üzrə məhkəmə prosesi başa çatıb.
 
Lent.az-ın məlumatına görə, Bakı Apellyasiya Məhkəməsində hakim Əmir Bayramovun sədrliyi ilə keçirilən prosesdə qərar elan olunub.
 
Hakimlər kollegiyasının qərarına əsasən, T.Vəliyevanın apellyasiya şikayəti təmin edilməyib.
 
Qeyd edək ki, hadisə 2017-ci ilin noyabr ayında Sabunçu qəsəbəsinin Əbdülkərim Əlizadə küçəsində baş verib. Həmin ünvanda yaşayan T.Vəliyeva həyat yoldaşı Nazim Vəliyevi ailə münaqişəsi zəminində balta ilə qətlə yetirib.
 
Bakı Ağır Cinayətlər Məhkəməsinin hökmü ilə T.Vəliyeva 16 il müddətinə azadlıqdan məhrum edilib. Hökmdən narazı qalan qadın apelyasiya şikayəti verib.
 
Xatırladaq ki, ər və arvadın birgə nikahından iki övladı var.
# 767
avatar

Səlcuq Elçin

Oxşar yazılar