Mayın 20-də Lənkəran şəhərində kütləvi dava-dalaş olub. Rayon Polis Şöbəsindən Lent.az-a verilən məlumata görə, Lənkəran şəhərindəki “Göbələk” restoranında bir qrup şəxs arasında dava düşüb. Dava zamanı 2 nəfər: Zərdab rayon sakini 1990-cı il təvəllüdlü İsayev Ramin Nadir oğlu və Salyan sakini 1991-ci il təvəllüdlü Zülfüqarov Cavad Cəlal oğlu bıçaqlanıblar. Hər iki yaralı ağır vəziyyətdə xəstəxanaya yerləşdirilib.
Hadisə yerinə hüquq-mühafizə orqanları əməkdaşları gəlib. araşdırmalar nəticəsində davada iştirak etmiş şəxslərdən biri – Lənkəran sakini Hüseynzadə Aqil Aydın oğlu müəyyən edilib. Hazırda kütləvi davada iştirak etmiş digər şəxslərin yaxalanması istiqamətində iş aparılır.
Faktla əlaqədar cinayət işi başlanılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
