Toplum TV-də ƏMƏLİYYAT: SAXLANILANLAR VAR - YENİLƏNİB

III Respublika Platformasının spikeri Akif Qurbanova barəsində cinayət işi başlanılıb.

Lent.az xəbər verir ki, bu barədə onun vəkili Şəhla Hümmətova məlumat yayıb

O bildirib ki, Akif Qurbanova qarşı Cinayət Məcəlləsinin 206.3.2 - qaçaqmalçılıq qabaqcadan əlbir olan bir qrup şəxs tərəfindən törədildikdə, maddəsi ilə cinayət işi açılıb.

"Toplum TV"nin əməkdaşı Ferid İsmayilov barəsində də cinayət işi başlanılıb.

Vəkili Zibeydə Sadıqova bildirib ki, Fərid İsmayılov barəsində də Cinayət Məcəlləsinin 206.3.2 -ci (qaçaqmalçılıq qabaqcadan əlbir olan bir qrup şəxs tərəfindən törədildikdə) maddəsi ilə cinayət işi açılıb.

Qeyd edək ki, bu gün "Toplum TV" internet televiziyasının yerləşdiyi ofisdə və daha bir neçə ünvanda Daxili İşlər Nazirliyi tərəfindən əməliyyat keçirilib.

Nazirlikdən bildirilib ki, bir neçə ünvanda əməliyyat-axtarış tədbirləri keçirilib.

***

07.03.2024

Saat 23:30

III Respublika Platformasının spikeri Akif Qurbanova barəsində cinayət işi başlanılıb.

Lent.az xəbər verir ki, bu barədə onun vəkili Şəhla Hümmətova məlumat yayıb

O bildirib ki, Akif Qurbanova qarşı Cinayət Məcəlləsinin 206.3.2 - qaçaqmalçılıq qabaqcadan əlbir olan bir qrup şəxs tərəfindən törədildikdə, maddəsi ilə cinayət işi açılıb.

Qeyd edək ki, bu gün "Toplum TV" internet televiziyasının yerləşdiyi ofisdə və daha bir neçə ünvanda Daxili İşlər Nazirliyi tərəfindən əməliyyat keçirilib.

***

Saat 18:07

Toplum TV-nin ofisində həyata keçirilən axtarışlar başa çatıb.

Lent.az hüquq müdafiəçisi Rüfət Səfərova istinadən xəbər verir ki, Toplum TV-nin ofisi möhürlənib.

***

saat 16:29

Toplum TV-də əməliyyat keçirilib.

Daxili İşlər Nazirliyinin mətbuat xidmətindən Lent.az-a bildirilib ki, paytaxtın Nərimanov rayonu Y.V.Çəmənzəminli ev 98 B ünvanında yerləşən ofisdə və əlavə digər ünvanlarda bir qrup şəxsin fəaliyyəti ilə bağlı daxil olan məlumat üzrə polis əməkdaşları tərəfindən əməliyyat-axtarış tədbirləri keçirilib.

Əlavə məlumat veriləcəkdir.

Lent.az-ın əldə etdiyi məlumata görə, əməliyyat Toplum TV-nin ofisində həyata keçirilir.