Qonaqlıqdan qayıdan qız yolu azdı: soyuqdan donub öldü

Şimal paytaxtında soyuqda küçədə qızın qəfil ölməsinin bütün halları müəyyən edilir.

Lent.az-ın xarici mediaya istinadən məlumatına görə, hər şey 23 yaşlı Sankt-Peterburq sakini və bir gənclə qonaqlardan evə qayıdarkən baş verib. Donvurma əlamətləri olan mərhumun meyiti təcili yardım həkimləri tərəfindən çöldə aşkar edilib.

Qızla birlikdə olan oğlanın dediyinə görə, qonaqlardan qayıdanda yolda azıblar və donmağa başlayıblar. Bir anda oğlan təcili yardım çağırıb, lakin sevgilisi həkimlər gələnə qədər ölüb.