Qaxda canavar kənd sakinlərinə hücum edərək xəsarət yetirib.
Lent.az-ın APA-ya istinadla məlumatına görə, hadisə axşam saat 19 radələrində rayonunun Ləkit kəndinin mərkəzində Ləkit kənd tam orta məktəbinin qarşısında baş verib.
Ərizidə olan canavar kənd sakini 74 yaşlı Qəhraman Məcid oğlu Rəhimova hucum edərək onun hər iki əlinə və sol ayağın bud nahiyəsinə xəsarət yetirib. Daha sonra canavar hadisə baş verən yerdən 100 metr məsafədə olan dayanacaqda olan digər kənd sakini 60 yaşlı Hacı Əsədullah oğlu Hacıyevə hucum edib. Canavar Hacı Hacıyevin ayağına xəsarət yetirib. Lakin Hacı Hacıyev köməyə gələn digər kənd sakinlərinin köməkliyi ilə canavarı boğaraq öldürüb. Canavarın hucumuna məruz qalan hər iki şəxsə Qax Rayon Mərkəzi Xəstəxanasında lazımi tibbi yardım göstərilib, quduzluq əleyhinə peyvənd vurulduqdan sonra ambulator müalicə almaq şərti ilə evə buraxılıblar.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
