Ötən il yol qəzalarında 700-ə yaxın insan ölüb - STATİSTİKA
25 yanvar 2021 11:45 (UTC +04:00)

Ötən il yol qəzalarında 700-ə yaxın insan ölüb - STATİSTİKA

Daxili İşlər Nazirliyinin Baş Dövlət Yol Polisi İdarəsi 2020-ci ildə baş verən yol qəzaları ilə bağlı statistikanı açıqlayıb.

İdarədən Lent.az-a verilən məlumata görə, 2020-ci il ərzində respublika ərazisində baş verən 1587 yol-nəqliyyat hadisəsi nəticəsində 696 nəfər həlak olub, 1410 nəfər isə müxtəlif dərəcəli bədən xəsarətləri alıb. Bakı şəhəri üzrə isə 460 yol-nəqliyyat hadisəsində 169 nəfər ölüb, 387 nəfər yaralanıb.  

Hadisələrin analizi göstərir ki, 1534 yol-nəqliyyat hadisəsi sürücülər tərəfindən (piyadalar tərəfindən - 42) yol hərəkəti qaydalarının pozulması nəticəsində baş verib ki, onların da 656-sı (42,7 faizi) sürücülərin nəqliyyat vasitələrini yüksək sürətlə idarə etməsi, 466-sı (30 faizi) qarşıdan gələn nəqliyyatın hərəkət zolağına çıxma və ötmə qaydalarının pozulması səbəbindən olub. 

Hadisələrin növləri içərisində piyadanı vurmaq (664 - 41,8 faizi) və toqquşma (529 - 33faizi) yenə də üstünlük təşkil edir. Həlak olan 696 nəfərdən 320-i piyada, 194-ü sürücü, 158-i sərnişin, 20-si velosipedçi, o cümlədən 131-i qadınlar,  35-i isə uşaq və yeniyetmə olub.

2019-cu ilin müvafiq dövrü ilə müqayisədə ümumi hadisələrin sayı 283 (-15,1faiz), ölənlərin sayı 125 (-15,2 faiz) və yaralananların sayı 292 nəfər (-17,2faiz) azalsa da, bu statistik rəqəmlərin hələ də ciddi narahatlıq doğurduğunu nəzərə alaraq, bütün hərəkət iştirakçılarını diqqətli olmağa, yol hərəkəti qaydalarına riayət etməyə, həm özlərinin, həm də digər şəxslərin həyat və sağlamlığı üçün təhlükə yaratmamağa çağırırıq.

# 1785
avatar

Mehman Nəbiyev

Oxşar yazılar