Məşhur modelin qardaşının evinin qarşısında DƏHŞƏT: İnsanları öldürməklə , intihar etməklə hədələdi

Petah-Tikva polis bölməsinin müstəntiqləri Bat-Yama sakini, 42 yaşlı vətəndaş Z.ni həbs ediblər.

Lent.az xarici medaya istinadla bildirir ki, iddiaya görə, hücum edən şəxs On Rafalinin qardaşı, aktrisa və model Bar Rafalinin Hod-ha-Şaronda yaşayan qardaşının evinə gəlib və onunla danışmadığı təqdirdə insanları öldürəcəyi və intihar edəcəyi ilə hədələyib.

Qeyd olunur ki, onun təhdidlərini həyata keçirə biləcəyindən ehtiyat edən Rafali ailəsinin üzvləri Hod-ha-Haşaron məntəqəsinə şikayət ərizəsi ilə müraciət edərək ifadə veriblər. Hod-ha-Haşaron polis bölməsinin əməkdaşları Z.nin yerini müəyyən edərək onu həbs ediblər. Daha sonra o, Petah-Tikvadakı məhkəmədə keçirilən dinləmələrə aparılıb.
Polis şübhəlinin həbs müddətinin uzadılmasında israr edib.

“İclasın sonunda hakim onun həbs müddətinin iki gün uzadılması və psixi vəziyyətinin öyrənilməsi üçün psixiatrik ekspertizaya göndərilməsi barədə qərar qəbul edib”, - məlumatda deyilir.

Məhkəmə zamanı müstəntiq Bar Rafaelidən sübut almaq niyyətini açıqlayıb və qeyd edib ki, şübhəli şəxs onun fitnes məşqçisinin yanına gələrək onu hədələyib. Hüquq-mühafizə orqanı əməkdaşının sözlərinə görə, şübhəli “Abrabanel” xəstəxanasına aparılıb, onlar xəstəxanaya yerləşdirməkdən imtina edib və onu buraxıblar. Şübhəlinin heç bir cinayəti yoxdur və heç vaxt psixiatriya xəstəxanasına yerləşdirilməyib.