Məşhur meyxanaçı narkotiklə tutuldu - FOTO - YENİLƏNİB

Daxili İşlər Nazirliyi meyxanaçı Cavid Sumqayıtlının saxlanılmasına münasibət bildirib.

Nazirlikdən Lent.az-ın sorğusuna cavab olaraq bildirilib ki, Sumqayıt şəhər sakini Cavid Babaşov narkotik vasitələrin satışı ilə məşğul olmaqda şübhəli bilindiyi üçün bu il mayın 15-də Sumqayıt şəhər Polis İdarəsinin əməkdaşları tərəfindən saxlanılıb.Üzərinə baxış keçirilən zaman 206 qram narkotik vasitə heroin və elektron tərəzi aşkar edilib. C.Babaşova Cinayət Məcəlləsinin 234.4.3-cü maddəsi ilə ittiham elan edilib və o, təqsirləndirilən şəxs qismində istintaqa cəlb olunaraq barəsində həbs qətimkan tədbiri seçilib.Hazırda həmin şəxs barəsində istintaq araşdırmaları sona çatıb və iş baxılması üçün məhkəməyə göndərilib.

***

Saat: 15:47

Məşhur meyxanaçı Cavid Sumqayıtlı həbs edilib.

Lent.az-ın əldə etdiyi məlumata görə, o, 3 həftə əvvəl Sumqayıt şəhər Polis İdarəsinin əməkdaşları tərəfindən saxlanılıb. Onun üzərinə baxış keçirilərkən külli miqdarda heroin və metamfetamin (patı) aşkarlanıb. Meyxanaçı barədə toplanan materiallar Sumqayıt şəhər Məhkəməsinə göndərilib və onun barəsində 4 ay müddətinə həbs-qətimkan tədbiri seçilib.