Meşə işçisi anasını ov tüfəngi ilə öldürdü

Bartında 23 yaşlı Umut Can Alay mübahisədən sonra 52 yaşlı anası Hatice Alaya ov tüfəngi ilə atəş açaraq öldürüb.

Lent.az-ın xarici mediayaistinadən xəbərinə görə, hadisə dünən saat 19.30 radələrində Topluca kəndində Esenpınar məhəlləsindəki evdə baş verib. Meşə işçisi işləyən Umut Can Alay axşam saatlarında evə gələndə anası Hatice Alay ilə mübahisə edib.

Mübahisədən sonra Umut Can Alay evdə olan ov tüfəngi ilə anasının sinəsinə atəş açıb. Silah səslərini eşidən qonşular 112 Təcili Yardım Mərkəzinə məlumat veriblər.

Həkimlərin Bartın Dövlət Xəstəxanasına apardığı qadını xilas etmək mümkün olmayıb.

Nəzarətə alınan Umut Can Alayın 'seksual zorakılıq' ittihamı ilə bir müddət həbsdə yatdığı və 1 il əvvəl azadlığa çıxdığı öyrənilib.