"Lotu Quli"nin yaxın adamı Qazaxıstanda saxlanıldı - FOTO + VİDEO

Xəbərə video və fotolar əlavə edilib.

***

saat 16:23

Qazaxıstanda etiraz aksiyalarında fəal iştirak edən “Armen Dikiy” ləqəbli kriminal avtoritet Arman Cumagəldiyev saxlanılıb.

Lent.az-ın xəbərinə görə, bu barədə “Mash” telegram kanalı məlumat yayıb. Mənbənin məlumatına əsasən, o, etirazçıların törətdiyi talançılıqda və hökumət nümayəndələrinə hücumda şübhəli bilinir.

Qeyd edək ki, A. Cumagəldiyev yanvarın 6-da Türkiyədən Qazaxıstana qayıdıb. O, əksinə etirazçılara hüquq-mühafizə orqanlarının əməkdaşlarına qarşı güc tətbiq etməməyə çağırıb. “Armen Dikiy” hava limanına edilən hücumdan da danışıb. Onun sözlərinə görə, etirazçılar arasında təxribatçılar da var.

Bundan əlavə, Qazaxıstan müxalifətinin lideri, keçmiş energetika naziri Muxtar Ablyazov etirazçılara liderlik etməyə hazır olduğunu bildirib. Onun sözlərinə görə, Almatıdakı aksiya iştirakçıları hər gün ondan təlimat və məsləhət gözləyirlər.

***

Saat: 13:49

“Armen Dikiy” ləqəbli kriminal avtoritet Arman Cumagəldiyev Qazaxıstanda yardım paylayıb.

Lent.az-ın məlumatına görə, bu barədə kriminal avtoritet özünün sosial şəbəkə hesabında görüntülər paylaşıb. “Mənim ölkəm Qazaxıstandır” başlığı ilə paylaşılan görüntülərdə insanlara ərzaq yardımı edildiyi əks olunub.

Qeyd edək ki, “Armen Dikiy” azərbaycanlı mərhum kriminal avtoritet “Lotu Quli”nin yaxın adamlarından biri olub. O, Qazaxıstanda baş verən son hadisələrlə bağlı yanvarın 7-də Türkiyədən ölkəsinə qayıdıb.