İmişli rayonunda yol- nəqliyyat hadisəsi zamanı 3 nəfər xəsarət alıb.
Lent.az-ın APA-ya istinadla məlumatına görə, qəza saat 22 radələrində İmişli rayonunun Murğuzallı kəndi ərazisində qeydə alınıb. Hadisə zamanı "VAZ-2106" markalı minik maşını və "BMW" markalı minik avtomobili ilə toqquşub. Qəza nəticəsində "VAZ-2106" markalı avtomobilin sürücüsü 1955-ci il təvəllüdlü Şakir Əbilov və avtomobildə olan onun nəvələri - 2008-ci il təvəllüdlü Əbilova Rəvanə Əfraz qızı, 2006-cı il təvəllüdlü Əbilov Rövşən Əfraz oğlu müxtəlif dərəcəli xəsarətlər alıb.
Yaralılar İmişli rayon mərkəzi xəstəxanasına yerləşdirilib. Sürücünün vəziyyətinin ağır olduğu bildirilir. Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
