"İnsana çəkisinə uyğun ittiham verərlər" - Rasim Məmmədov
28 noyabr 2022 17:07 (UTC +04:00)

"İnsana çəkisinə uyğun ittiham verərlər" - Rasim Məmmədov

"Baku Steel Company"nin keçmiş rəhbəri Rasim Məmmədovun cinayət işi üzrə məhkəmə prosesi davam etdirilib.

Lent.az APA-ya istinadla xəbər verir ki, bu gün Bakı Ağır Cinayətlər Məhkəməsində hakim Leyla Məmmədova - Əsgərovanın sədrliyi ilə keçirilən iclasda ittiham olunan şəxsin vəkilləri müdafiə çıxışı üçün hazır olmadıqlarını deyiblər. Vəkillər bir sıra vəsatətlərlə çıxış ediblər.

Vəkillər- Pərviz Məmmədov və Zibeydə Sadıqova məhkəmə istintaqının yenilənməsini, iş materiallarında olan iki flaşkarta, Rasim Məmmədovun qeyd dəftərçəsinə və gömrük sənədlərinə baxış keçirilməsini istəyiblər.

Prokuror Orxan Səmədov müdafiə tərəfinin dediklərinin məhkəmə üçün yeni bir məlumat olmadığını vurğulayaraq vəsatətlərin rədd olunmalı olduğunu bildirib.
Məhkəmə vəkillərin qaldırdığı vəsatətləri təmin etməyib.

Bundan sonra Rasim Məmmədov məhkəmədən söz istəyib. Keçmiş şirkət rəhbəri verilmiş ittihamlarla əlaqəsi olmadığını, nə vaxtsa günahsız olduğunu sübut edəcəyini deyib: "Prokuror deyir ki, guya 185 milyon pul götürmüşəm. 185 milyon böyük məbləğdir, qazanılası pul deyil axı. Bir insana onun çəkisinə uyğun ittiham verərlər də... Adamı bu vəziyyətə gətirmək olmaz. Tutulandan bir müddət sonra həm özümün, həm atamın evini satıb zavodun 22 milyon manat borcunu ödəmişəm. Mən başqa neynəməliyəm, hər şeyimi vermişəm, özüm də gedib 15 il yatmalıyam?"

Məhkəmə müdafiə çıxışına hazırlaşmaq üçün vəkillərə dekabrın 5-ə kimi vaxt verib.

Xatırladaq ki, "Baku Steel Company"nin rəhbəri olmuş Rasim Məmmədov Dövlət Təhlükəsizlik Xidməti (DTX) tərəfindən həbs olunub. O, Cinayət Məcəlləsinin 179.4 (mənimsəmə və ya israfetmə, xüsusilə külli miqdarda ziyan vurmaqla törədildikdə), 193.3.2 (xüsusilə külli miqdarda gəlir əldə etməklə yalan sahibkarlıq), 308.2 (vəzifə səlahiyyətlərindən sui-istifadə etmə, ağır nəticələrə səbəb olduqda) və 313-cü (vəzifə saxtakarlığı) maddələri ilə ittiham olunur. Cinayət işi üzrə dəymiş ziyan 185 milyon manat hesablanıb.

# 1416
avatar

Oxşar yazılar

Sabirabadda qəza: Ölən və yaralananlar var   -FOTO -YENİLƏNİB

Sabirabadda qəza: Ölən və yaralananlar var  -FOTO-YENİLƏNİB

30 yanvar 2023 , 22:21
1 ailədən 3 nəfər bıçaqlandı -YENİLƏNİB

1 ailədən 3 nəfər bıçaqlandı-YENİLƏNİB

30 yanvar 2023 , 21:55
AZAL Barselonaya uçuşları bərpa edir

AZAL Barselonaya uçuşları bərpa edir

30 yanvar 2023 , 20:39
Rayondan oğurladıqlarını Bakıda satdı

Rayondan oğurladıqlarını Bakıda satdı

30 yanvar 2023 , 19:33
Azərbaycanda restoranda ŞOK:  26 yaşlı qızı zorladılar

Azərbaycanda restoranda ŞOK: 26 yaşlı qızı zorladılar

30 yanvar 2023 , 19:10
Balakən bələdiyyəsində MƏNİMSƏMƏ:  cinayət işi açıldı

Balakən bələdiyyəsində MƏNİMSƏMƏ: cinayət işi açıldı

30 yanvar 2023 , 18:11
Səhlab Bağırov işdən çıxarıldı - YENİ TƏYİNAT

Səhlab Bağırov işdən çıxarıldı - YENİ TƏYİNAT

30 yanvar 2023 , 18:06
Bakıda həbsxanada daha bir ÖLÜM

Bakıda həbsxanada daha bir ÖLÜM

30 yanvar 2023 , 17:45