İki yaşlı qızını 5-ci mərtəbədən atdı

Fövqəladə hadisə Kazanın Yudino qəsəbəsində baş verib.

Lent.az-ın xarici mediaya istinadən xəbərinə görə, kişi iki yaşlı qızını beşinci mərtəbənin pəncərəsindən atıb.

Hadisə şahidləri qeyd edir ki, kişi əvvəlcə hədə-qorxu gələrək qızı eyvandan silkələyib, sonra isə uşağı bayıra atıb, bu zaman anlaşılmaz nəsə qışqırıb.

İki yaşlı qızı yoldan keçənlərin tutduğu bildirilir. "O, qarın içinə düşüb, uşaqlar onu bərk yerə enməyə qoymadılar", - hadisə şahidi deyib. Qız xəstəxanadadır, ona qol sınığı və beyninin əzilməsi diaqnozu qoyulub.

Uşağın atası müstəntiqlərə bildirib ki, ona elə gəlib ki, mənzildə yanğın başlayıb və o, uşaqlarını xilas etmək qərarına gəlib. Ailədə üç uşaq var, onlardan ikisi övladlığa götürülüb. Uşaqları böyüdən cütlük saxlanılıb. Hər ikisi narkoloji qeydiyyatdadır. Azyaşlının öldürülməsinə cəhd maddəsi ilə cinayət işi açılıb.