Gəncədə toydakı davaya görə 2 nəfər tutuldu - YENİLƏNİB

Gəncədə Mahrasa bağı adlanan ərazidə yerləşən şadlıq saraylarından birindəki toyda 4 nəfəri bıçaqlamaqda şübhəli bilinən şəxslər saxlanılıb.

Bu barədə Lent.az-a DİN-in Mətbuat Xidmətinin Gəncə regional qrupunun baş inspektoru polis kapitanı Eşqin Qasımov bildirib.

Onun sözlərinə görə, Gəncə Şəhər Baş Polis İdarəsinin 1-ci Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində kəsici-deşici alətlə 4 nəfər şəxsə xəsarət yetirməkdə şübhəli bilinən Samir Musayev və Cəfər Cəfərov saxlanılaraq istintaqa təhvil verilib.

***

09 dekabr, saat 23:42

Gəncədə toyda bıçaqlan şəxslərin sayı üçə çatıb.

Lent.az APA-ya istinadən xəbər verir ki, bıçaqlanan şəxs 1992-ci il təvəllüdlü Əli Musayevdir.

Yaralı özəl xəstəxanaların birinə yerləşdirilib, vəziyyətinin orta-ağır olduğu bildirilir.

***

Saat 22:28

Gəncədə bıçaqlanma hadisəsi baş verib.

Lent.az APA-ya istinadən xəbər verir ki, hadisə Mahrasa bağı adlanan ərazidə yerləşən şadlıq saraylarının birində qeydə alınıb.

1972-ci il təvəllüdlü Kəpəz Əliquliyev və 1983-cü il təvəllüdlü Akif Rüstəmov bıçaqlanma diaqnozu ilə xəstəxanaya yerləşdiriliblər.

Dərhal onlara yardım göstərilib, vəziyyərlərinin kafi oldu bildirilir.

Məlumata görə hər iki şəxs toyda dava zamanı bıçaqlanıb.