Gəncədə narkotikin təsiri altında olan sürücülər saxlanıldı-FOTO
13 dekabr 2023 07:31 (UTC +04:00)

Gəncədə narkotikin təsiri altında olan sürücülər saxlanıldı-FOTO

Gəncə şəhər Baş Polis İdarəsinin Dövlət Yol Polisi Şöbəsinin (ŞBPİ DYPB) əməkdaşları tərəfindən keçirilən tədbirlər nəticəsində narkotik vasitənin təsiri altında avtomobil idarə edən “VAZ” və “KİA” markalı avtomobillərin sürücüləri saxlanılaraq barələrində qanunamüvafiq tədbir görülüb.

DİN-dən Lent.az-a bildirilib ki, keçirlən monitorinqlər nəticəsində şəhər ərazisində yol hərəkəti qaydalarını və ictimai asayişi nümayişkəranə şəkildə pozan “VAZ-2107” markalı avtomobilin istismarı dayandırılaraq sürücü barəsində protokol tərtib edilib. Araşdrımalar zamanı “Range Rover” markalı avtomobilin sürücünün qanunla qadağ edilmiş səs siqnalından istifadə etməsi də müəyyən olunub. Sürücü barəsində tərtib olunan protokol və səs siqnalı müsadirə edilməsi üçün məhkəməyə göndərilib.

Bundan başqa keçirilən mütəmadi tədbirlər nəticəsində bir qrup gəncin özlərinə məxsus müxtəlif markalı avtomobillərlə qanunla qadağan edilməsinə baxmayaraq avtomobilə kosntruksiya dəyişikliyi edərək digər hərəkət iştirakçılarına təhlükə yaratdığı məlum olub. Həmin sürücülər saxlanılaraq profilaktiki söhbət aparılıb və barələrində qanunamüvafiq tədbir görülüb. Qanunsuz dəyişikliklər aradan qaldırıldıqdan sonra nəqliyyat vasitələri istismara buraxılıb.

1 2 3 4 5 İDMAN XƏBƏRLƏRİ
# 3093
avatar

Oxşar yazılar