Neftçala rayonunda dənizdə boğulan azyaşlının kimliyi məlum olub.
Lent.az APA-ya istinadən xəbər verir ki, dənizdə boğularaq ölən şəxs Neftçala sakini, 7 yaşlı Rüstəmov Əli Rafiq oğludur.
Faktla bağlı araşdırma aparılır.
***
18:20
Neftçala rayonunda azyaşlı dənizdə boğularaq ölüb.
Fövqəladə Hallar Nazirliyinin mətbuat xidmətindən Lent.az-a verilən məlumata görə, azirliyin Böhran Vəziyyətlərində İdarəetmə Mərkəzinə Neftçala rayonu, Şirvanlı kəndində, dənizdə ("Neftçala" sularda xilasetmə məntəqəsindən təqribən 600 m aralı, nəzarətsiz ərazidə) bir nəfər azyaşlının batması barədə məlumat daxil olub.
Hadisə yerinə cəlb olunan FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən azyaşlının meyiti sudan çıxarılıb və aidiyyəti üzrə təhvil verilib.
