Dəhşətli qəzadan sağ çıxdılar - HAMI ŞOKDA - FOTOLENT

Ötən gün Zaqatalada ağır yol qəzası baş verib.

Lent.az-ın məlumatına görə, gecə saatlarında rayon ərazisində “VAZ-2107” və başqa bir minik avtomobili toqquşub. Qəzadan sonra “VAZ-2107” hasara çırpılıb. Nəticədə hər iki avtomobilə ciddi ziyan dəyib.

Fotolardan da gördüyünüz kimi, “VAZ-2107” markalı avtomobilin sükanı oturacağa qədər deformasiyaya uğrayıb. Qəza nəticəsində ölən olmayıb. İki nəfər yüngül xəsarət alıb. Yaralılara ilkin tibbi yardım göstərildikdən sonra evə buraxılıblar.

Faktla bağlı araşdırma aparılır.