Türkiyədə yol qəzasında 2 nəfər həlak olub.
Lent.az yerli mediaya istinadla bildirir ki, hadisə Tekirdağın Saray qəsəbəsində baş verib. Məlumata görə, Nurəddin Ağgülün idarə etdiyi “Fiat” markalı avtomobillə yük maşını toqquşub. Zərbənin təsirindən minik maşını iki yerə bölünüb.
Araşdırmalarla minik maşınının salonundan iki nəfərin, 24 yaşlı Burhan Çetin və nişanlısı 22 yaşlı Kardelen Coşkuntunanın meyitləri tapılıb. Məlum olub ki, cütlük alış-veriş üçün getdikləri İstanbuldan qayıdırlarmış. Onların bir gün sonra nikah mərasimi baş tutmalı imiş.
Hadisə zamanı xəsarət alan 2 sürücü isə xəstəxanaya yerləşdirilib. Araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
