"Bermud üçbucağı"nda nəhəng yaxta ÇEVRİLDİ: Dəhşətli detallar

Böyük Britaniyadan olan turist 40 metrlik yaxtada digər istirahət edənlərlə birlikdə Misirin "Bermud üçbucağı"nda baş verən dəhşətli hadisədən necə xilas olduqlarını danışıb.

Lent.az-ın xarici mediaya istinadən xəbərinə görə, aprelin 24-də 26 nəfərlik qrup Qırmızı dənizdə, Hurqada yaxınlığında dalğıc təlimini keçməyi planlaşdırıblar. Ancaq onları müsbət və parlaq xatirələr deyil, əsl kabus qarşılayıb. Çünki nəhəng yaxta qəfildən çevrilib.

İxtiraçılıq və komanda işi sayəsində hər kəs sağ qalmağı bacarıb. Bundan sonra turistlər qayığa cavabdeh olan şirkətin köməyi əvəzinə pasportsuz və yardımsız qalıb. Onların sözlərinə görə, guya şirkət onları hədələyib və hakimiyyətə yalan ifadələr vermələri üçün təzyiq edib.

Təlimdə iştirak edən 53 yaşlı Devid Taylor yuxudan oyananda kabinəsinin pəncərəsindən kənarda üzən balıqları görəndə tətilinin plana uyğun getmədiyini başa düşüb. Xoşbəxtlikdən kişini və onun 21 yaşlı oğlunu başqa bir sərnişin xilas edib:

“Kömək üçün qışqırdıq, üstümüzdə gurultu eşitdik və dəhşətli bir şeyin baş verdiyinə dair dərin bir qorxu hissi keçirdik. Pilləkənlərdən qaça bilməyəcəyimizi və heç kimin bizə kömək etmədiyini anlayanda bu, dəhşətli idi”.

Bu zaman onların xilasedicisi Fernando Suarez Meila kameranı doldurmaq üçün kabinəsinə qayıdıb. O, dəhlizə çıxanda, çaxnaşma içində olan ata və oğlu görüb. Onları təcili lyukun yanına aparıb.

Sonradan onlar lyukun tutacağının nasaz olduğunu aşkar edib, başqa çıxış yolu axtarmağa məcbur olublar. Sonda Fernando David və oğlunun qaçmasına kömək edə bildi, lakin o, proses zamanı göyərtənin altında tələyə düşdü.

Ata və oğul suya atılaraq xilasedici tərəfindən çıxarılana qədər üzüblər. Xoşbəxtlikdən Meyla da qaça bilib.

İndi zərərçəkənlər bütün itirilmiş əşyalarını əvəz etmək üçün vəsait toplayırlar.