“Bazarstore” məhkəməyə verildi: Gözlənilən cərimə məbləği...

“Bazarstore” Məhdud Məsuliyyətli Cəmiyyəti məhkəməyə verilib.

Lent.az-ın məlumatına görə, buna səbəb supermarketlər şəbəkəsinin filiallarından birində karantin rejimi qaydalarının il ərzində təkrarən pozulmasıdır.

Belə ki, “Bazarstore” barəsində İnzibati Xətalar Məcəlləsinin 211.3-cü (Epidemiya əleyhinə rejim, sanitariya-gigiyena və karantin rejimləri dövründə fərdi qoruyucu vasitələrdən istifadə ilə bağlı müvafiq icra hakimiyyəti orqanı tərəfindən müəyyən edilən tələblərin pozulmasına, habelə vəzifəli şəxslər və hüquqi şəxslər tərəfindən həmin tələblərin pozulmasının qarşısının alınmamasına görə inzibati tənbeh vermə haqqında qərar qüvvəyə mindiyi gündən bir il ərzində təkrar törədilməsinə görə) maddəsi ilə protokol tərtib olunub.

Protokol baxılması üçün Binəqədi rayon Məhkəməsinə göndərilib. İş hakim Aygün Qurbanovanın icraatına verilib.

Qeyd edək ki, həmin maddə əsasında “Bazarstore”u 400 manat məbləğində cərimə gözləyir.